Presidenti i Ukrainës, Volodymyr Zelensky ka thënë se ushtria ruse ka goditur mbrëmë qendrën e Dobropillyas në rajonin e Donetskut me dy raketa balistike.
Nga këto sulme mes të plagosurve janë pesë fëmijë, ndërsa 11 qytetarë kanë humbur jetën.
Sipas presidentit ukrainas, “Pasi shërbimet tona të urgjencës mbërritën në vendngjarje, ata filluan një tjetër goditje, duke synuar qëllimisht shpëtimtarët”. Ai tha se kjo është një taktikë “frikësimi e poshtër dhe çnjerëzore e përdorur shpesh nga rusët”.
Ai tha se në mënyrë tragjike në këto momente konfirmohen të vdekur 11 persona.
“Në mënyrë tragjike në këto momente konfirmohen të vdekur 11 persona. Ngushëllimet e mia për familjet dhe të dashurit e tyre. Më shumë se 30 persona u plagosën, mes tyre 5 fëmijë. Janë dëmtuar tetë pallate pesëkatëshe, një objekt administrativ dhe një makinë zjarrfikëse”, ka shkruar Zelensky.
Ai më tej ka thënë se sulme të tilla tregojnë se objektivat e Rusisë nuk kanë ndryshuar.
“Prandaj, është thelbësore të vazhdojmë të bëjmë më të mirën për të mbrojtur jetët, për të forcuar mbrojtjen tonë ajrore dhe për të rritur sanksionet kundër Rusisë. Çdo gjë që e ndihmon Putinin të financojë luftën duhet të shembet”, shkruan Zelensky.
Presidenti amerikan Donald Trump po bën përpjekje për një zgjidhje paqësore të luftës në shkallë të plotë tashmë trevjeçare të Rusisë në Ukrainë.
