Si çdo vit edhe këtë vit, Federata e Çiklizmit të Kosovës, ka shpallur më të mirët për vitin 2023.
Nuk ishte e lehte për t’i zgjedhur më të mirët, për faktin se viti 2023 u karakterizua me rezultate të lakmueshme të çiklistëve.
Avni Nuha, president i Federatës së Çiklizmit të Kosovës, ka vlerësuar vitin 2023, me synime që vitin 2024 të shënojnë suksese edhe më të mëdha.
Blerton Nuha dhe Sibora Kadriu, të dy të Klubit Kastrioti nga Ferizaj, fituan çmimet kryesore.
Nuha u shpall çiklisti i vitit, ndërsa Kadriu çiklistja e vitit.
Avni Nuha
Çmimi i klubit më të mirë shkoi për Kastriotin, kurse Besart Nuha u shpall trajneri më i suksesshëm. Epiteti i gjyqtarit më të dalluar i takoi Rafet Gashit.
Avni Nuha ka përmendur aktivitetet e shumta, përfaqësimin në Lojërat Evropiane Krakow 203, EYOF Maribor 2023, Kampionatin Evropian, etj, ndërsa veçoi edhe rrethin e Kosovës (Tour of Kosova), garë e cila promovoi sërish Kosovën, për çka falënderoi policinë e Kosovës, si dhe MKRS-në për mbështetje të vazhdueshme.
Të pranishëm ishin drejtues të MKRS-së, KOK-ut, Policisë së Kosovës, të cilët u nderuan me mirënjohje, si dhe drejtues federatash.
