Sot në selinë e LDK-së, Kryesia e Degës së LDK-së në Suedi, u prit nga Kryetari i Lidhjes Demokratike të Kosovës z. Lumir Abdixhikun dhe Sekretari i LDK-së. z. Imri Ahmeti.
Kryetari LDK-së z.Lumir Abdixhiku njoftoi Kryesinë e Degës së LDK-së, për Suedi mbi punën, obligimet, dhe synimet e LDK-së, pas nominimit te tij si kryetar.
Kryetari poashtu njoftoi edhe mbi angazhimet per zgjedhjet lokale dhe kërkoi mbështetjen e Degës për zgjedhjet lokale që do të mbahen në tetor të këtij viti.
Kryetarja e Degës Qibrije Hoxha e njoftoi Kryetarin Abdixhiku me gjendjen dhe synimet e Degës së LDK-së në Suedi.
Në diskutim, në një atmosferë të mirë pune, morën pjesë edhe anëtarët tjerë të Degës si dhe sekratari i LDK-së z. Imri Ahmeti.
Pas takimit me Kryetarin Abdixhiku, Kryesia e Degës së LDK-së në Suedi vazhdoi me mbledhjen e saj, në të cilën u u morrën këto vendime:
Dega e LDK-së në Suedi i jep mbështetjen e plotë Kryetarit Lumir Abdixhiku në udhëheqjen e LDK-së, konsolidimin e LDK-së pas humbjes së zgjedhjeve të 14 shkurtit, si dhe në angazhimin e tij për prergaditjen e zgjedhjeve lokale që do të mbahen në tetor të këtij viti.
Kryesia e Degës do të angazhohet në rikthimin e elektoratit të saj në Suedi, si dhe do të angazhohet për prurje të reja, në vecanti të rinisë.
Kryesia e Degës së LDK-së poashtu do të angazhohet që të kontaktojë me bizneset të cilat veprojnë në Suedi me qëllim të investimeve në ekonominë e Kosovës si dhe në fusha të tjera.
Dega e LDK-së në Suedi do të angazhohet në pregaditjet për zgjedhjet lokale të tetorit.
Pas mbledhjes, Kryesia e Degës bëri homazhe tek varri i Presidentit Historik të Kosovës dhe Kryearit të LDK-së Dr. Ibrahim Rugova.
Dega e LDK-së në Suedi, aktivitetin e saj e përfundoi me vizitën që bëri në Rezidencën e Presidentit Historik Dr. Ibrahim Rugova.
