Detaje të reja janë mësuar rreth atentatit me armë zjarri që ndodhi mbrëmjen e djeshme në Athinë ku mbeti i vrarë një shqiptar, identiteti i të cilit ende nuk është bërë me dije.
Sipas Protothema, shqiptari ka marrë katër plumba në kokë dhe bark dhe ndërroi jetë në vend.
Një dëshmitar okular ka treguar se autori i sulmit kishte veshur një xhaketë gri pas krimit kishte ikur me një makinë ngjyrë gri. Po ashtu dëshmitari tregon se autori mbante veshur dhe një maskë anti-Covid.
Policia shkoi menjëherë në vendin e ngjarjes dhe rrethoi zonën, por autori ende nuk është arritur të zbulohet se kush është.
Ndërkohë hetuesit kanë grumbulluar prova nga vendi i ngjarjes, të cilat mund të çojnë në zbulimin e së vërtetës.
Atentati ndodhi në një kafene pranë sheshit Attiki. Ndërkohë mediat greke kanë raportuar më herët se shqiptari ka pasur probleme me drejtësinë pasi kishte precedent të mëparshëm penal.
