Tre shqiptarë janë arrestuar nga autoritetet italiane pasi janë kapur me 11 kg kokainë të pastër.
Mediat italiane bëjnë me dije nëse kokaina do të shitej në treg do të kapte vlerën 1 milion euro.
Mësohet se shqiptarët nga mosha 30 deri në 40 vjeç kishin fshehur drogën në dy makina luksoze dhe tashmë po përballen me akuzën ‘Trafikim ndërkombëtar të drogës’.
Ata ranë në gjurmët e policisë, pasi makinat e tyre ishin me targa gjermane dhe se po udhëtonin me shpejtësi të lartë.
Shqiptarët e arrestuar jetonin në Shqipëri dhe nuk ishin me precedentë të mëparshëm penalë.
Pritet që Gjykata të marrë vendimin se sa do dënohen të arrestuarit.
