Një 46-vjeçar shqiptar është dënuar me 18 muaj burg nga një gjykatë franceze për trafik heroine.
Pjesë e trafikut të drogës ishin edhe persona të tjerë, të cilët po ashtu janë dënuar nga gjykata Mulhouse.
Sipas dosjes së 46 vjeçarit, në shtëpinë e tij ishin sekuestruar rreth 600 gr përzierje heroine dhe produkte prerëse që shërbenin për përgatitjen e lëndës narkotike. Ai u arrestua në kufirin mes Luksemburgut dhe Francës.
Mbi 46 vjeçarin shqiptar, emri i të cilit nuk është bërë i ditur nga mediat franceze, rëndonin gjashtë vepra penale, që nisnin që nga viti 2017, që kishin të bënin me blerjen, posedimi, transportin, importin dhe eksportin e lëndëve narkotike.
