Të tjera detaje tronditëse kanë dalë në dritë pas lirimit nga burgu në Ekuador të “mbretit të kokainës”, Dirtan Rexhepit.
Mediat vendase kanë bërë me dije se ai u la i lirë nga gjykatësi atje, mëgjithëse ishte dënuar me 13 vite burgim.
Ai u kap në Guajaquil të Ekuadorit në qershor të vitit 2014, në një operacion të koduar “Ballkan”.
Kapja e tij solli në vend policinë shqiptare dhe vetë Interpolin, sepse Rexhepi kërkohet në dy shtete evropiane, por drejtësia ekuadoriane i dha lirim në nëntor 2021 dhe askush nuk e pa më.
I ashtuquajturi “Cari i kokainës” ka deri në gjashtë identitete të ndryshme dhe akuzohet se ishte “koka” e një karteli të fuqishëm që kishte transportuar tonelata kokainë nga Amerika Latine drejt Europës.
Dritani përdorte edhe emrat Murataj Lulezim, Rexhepi Dritan, Rexhepaj Gramoz, Rexhepai Dritan, Ioannis Dionysopoulos dhe Edmir Kraja. Mësohet gjithashtu se ai ishte arratisur 3 herë nga burgjet.
