Të Shtunën që e lamë pas, me datën 11.Shkurt u themelua Forumi i Gruas shqiptare - Alba me seli në Augsburg (FGSH).
Pas disa takimeve të grupit nismëtar si dhe pas disa aktiviteteve kulturore të organizuar nga ky grup u shqyrtua mundësia e organizimit sa me të mirë të Gruas Shqiptare nga Augsburgu e rrethina duke ardhur në përfundim se është nenvojë e kohës që të themelohet ky Forum.
Grupi nismëtar i ftoi zonjushat dhe zonjat nga Augsburgu në Kuvendin Themelues dhe në pjesmarrjen e 42 vetave grupi nismëtar i prezantoi qëllimet e dhe detyrat e Forumit, me çrast u vequan si: organizimi i takimeve konsultative, aktiviteteve kulturore, këshillimet për të interesuaret, organizim të seminareve me tematika përkatëse që dalin nga nevojat e kohës etj. FGSH gjithashtu do të reprezantojë Gruan Shqiptare Alba në Augsburg, rrethinë e me gjerë.
Pas leximit të qëllimeve dhe programit të punës, me datën 11.02.2023 u themelua Forumi njëkohësisht edhe u zgjodh Kryesia e saj duke ndarë detyrat si mëposhtë vijon:
Kryetare u zgjodh Afërdita Berisha, nënkryetare u zgjodhën Naxhie Sopaj e Majlinda Qarri, sekretare Ilirjeta Kqiku, arkatare Fiona Rama-Morina si dhe zëdhënëse e FGSH-Alba u zgjodh Adelina Osmani. Anëtarë të kryesisë u zgjodhën: Ganimete Nitaj, Hyrie Uka, Valbon Sokoli, Valentina Kuqi dhe Zoje Qorraj.
Pas diskutimit konstruktiv mbi planin afatshkurtër si dhe zgjedhjes së Kryesisë së Forumit, Grupi i valltareve Alba, nën drejtimin e znj. Valjeta Kuqi prezantuan me një program kulturorë me valle tradicionale shqipëtare.
Ndërsa për program muzikorë u kujdes DJ Gjaka. Selia e FSH-Alba do të jetë në adresën: Zugspitzstr. 175, 86157 Augsburg. E-Maili i përkohshëm ku të interesuarat mund t’i drejtojnë pyetjet është: [email protected].
Kryesia e FGSH-Alba i fton të gjitha zonjushat dhe zonjat nga Augsburgu e rrethina që të antarësohen në Forum sepse ashtu do të jemi më të zëshme si në Komunitetin tonë ashtu edhe në nivel të qytetit.
