Procesi i regjistrimit për mërgatën ishte planifikuar të përfundojë më 31 gusht të këtij viti, por pas ankesave Qeveria e Kosovës ka marrë vendim që këtë afat ta shtyjë deri në fund të këtij viti.
Më shumë se 600 mijë mërgimtarë kanë përfunduar procesin e regjistrimit të popullsisë, prej tyre rreth 300 mijë janë regjistruar fizikisht nëpër komuna dhe mbi 300 mijë të tjerë në platformën E-diaspora deri më tani.
Me numrin më të madh të diasporës të regjistruar deri më tani prin Gjermania, pasuar nga Zvicra, Suedia, Franca.
Menaxheri i projektit në Agjencinë e Statistikave të Kosovës (ASK), Ylli Shala ka thënë se përveç formatit online, ASK-ja ka dërguar nga një zyrtar në shtatë komunat më të mëdha të Kosovës, të cilët po asistojnë personat që nuk kanë njohuri të mjaftueshme në aspektin e teknologjisë.
Shala: ASK po asiston personat që nuk kanë njohuri në aspektin e teknologjisë
“Përveç formatit online, në shtatë komunat më të mëdha të Kosovës i kemi dërguar nga një zyrtar nga ASK-ja nëpër këto komuna, ku po asiston personat të cilët nuk kanë njohur të bollshme në aspektin e teknologjisë...Nuk ka qenë numër shumë i madh përveç Prizrenit, që ka pasur numër pak më shumë në kuadër të regjioneve tjera të Kosovës, Prishtina deri diku”, ka thënë Shala.
Sipas ASK-së, numri i personave që jetojnë jashtë vendit është më shumë se 600 mijë, andaj edhe shtyrja e afatit iu ndihmon atyre që të bëhen pjesë e këtij procesi të rëndësishëm.
Shala: Regjistrimi i deritanishëm, prin diaspora nga Gjermania
“Numri, i cili ka qenë përmes formës fizike, diku rreth 300 mijë, ndërsa platformën e kanë shfrytëzuar mbi 300 mijë. Pra, numri total është mbi 600 mijë i diasporës. Ne si ASK, mendojmë se numri është më i madh i personave që jetojnë jashtë vendit dhe kërkojnë nga të gjithë ata që të shfrytëzojnë këtë mundësi dhe këto ditë që të regjistrohen për shkak se edhe neve, si vend na ndihmon ky proces...3:37 Për momentin Gjermania është vendi, i cili i prin listës së shteteve të regjistruar deri më tani, si pjesë e diasporës. Pason Zvicra, Suedia, Franca dhe të tjera me radhë”, ka thënë ai.
Shala ka bërë të ditur se ka kërkesa të shumta nga disa shoqata në diasporë, që të shtyhet për një kohë më të gjatë regjistrimi i popullsisë pasi nuk kanë informacione të mjaftueshme.
Shala: Diaspora nuk ka pasur informacionin e nevojshëm për regjistrim
“Ka disa kërkesa nga disa shoqata të cilat veprojnë e punojnë jashtë vendit në diasporë, që t’u mundësohet shtyrja edhe për një kohë... 4:34 Nuk ka depërtuar informacioni sa duhet te të gjithë diaspora, por mendoj që kjo verë e cila është shfrytëzuar për t’u regjistruar dhe për të kryer pushimet në Kosovë, atyre iu ndihmon që informacioni të depërtojë te çdo person, i cili jeton jashtë vendit”, ka thënë Shala.
Shala fton të gjithë diasporën të regjistrohen në platformën e E-diaspora, e cila nuk merr më shumë kohë se 5 deri në 10 minuta në vegzën: https://ediaspora.rks-gov.net/.
