“Kam probleme shëndetësore, kam pësuar goditje në tru, më lini të qetë”, kështu ka deklaruar 50-vjeçarja shqiptare e arrestuar për vrasjen e një të moshuare në Kamena Vurlë në Greqi.
Shqiptarja ka deklaruar se nuk e ka vrarë ajo 84-vjeçaren, duke u shprehur se ditën e ngjarjes shkoi në shtëpinë e saj dhe më pas u largua, duke theksuar se s’ka lidhur me ngjarjen.
“Atë ditë shkova në shtëpinë e saj, por nuk bëra asgjë. U ula për pak dhe u largova, nuk kam lidhje. Kam probleme shëndetësore, më lini”, ka debatuar ajo, ndërsa e pyetur nga policia se ku janë rrobat dhe këpucët që ka veshur atë ditë, gruaja mësohet se është përgjigjur se “janë diku këtu. Tani nuk mund t’i gjej, ndoshta janë vjedhur. Nuk jam mirë, më lër. Është detyra juaj t’i gjeni ato.”
Ndërkohë hetuesit janë të bindur se pas vrasjes së të moshuarës greke qëndron 50-vjeçarja shqiptare.
Një element që ngre dyshimet janë këpucët që autori i krimit kishte veshur ditën e ngjarjes, pasi policia gjeti gjurmë gjaku. Kur hetuesit i kërkuan shqiptares që t’i dorëzonte këpucët që mbante veshur ditën kur vizitoi të moshuarën, ajo tha se nuk mund t’i gjente.
Autoritetet u njoftuan më 12 Tetor nga një kushëri i të moshuarës pasi nuk kishte marrë informacione për viktimën prej më shumë se 24 orësh.
Kur efektivët mbërritën tek shtëpia e saj, zbuluan se një çelës ishte vendosur brenda bravës, por dera nuk ishte e siguruar dhe nuk kishte shenja të hyrjes me forcë.
Jo shumë larg derës, 84-vjeçarja u gjet e pajetë, ndërsa pranë saj kishte njolla gjaku dhe gjurmë këpucësh. Megjithatë, u konstatua se nuk kishte shenja se
Sipas mjekut mjekësor, 84-vjeçarja ka pësuar një plagë në shpinë nga një objekt i mprehtë.
