Dje, Qendra për Arsim dhe Këshillim Profesional “ Gjon Nikollë Kazazi” në Gjakovë, ka marrë një donacion prej 83 mijë Є, nga një grup bashkatdhetarësh të mbledhur në restorantin CIAO në Wsetcheter - New York.
Burime nga ky takim për rritjen e fondeve financiare, i thanë Bota sot, se ka qenë një grup donatorësh, veprimtarë, biznesmenë dhe filantropë shqiptarë nga Nju Jorku, me rrethinat e tij, që nën kujdesin e veprimtarit Anton Raja, mbajti fushatën për rritjen e fondeve financiare, për rinovimin e dritateve të Q.A.K.P. "Gjon Nikollë Kazazi" në Gjakovë.
Në krye të donatorve me shuma të mëdha, qëndruan veprimtari i njohur Harry Bajraktari dhe filantropi Richard Lukaj, tha Raja, duke falënderuar ngrohtësisht çdo njërin prej atyre që dhanë donacione.
Me një video-call donatorët i ka falënderuar, duke i bekuar për donacionet nga Q.A.K. P. “Gjon Nikollë Kazazi” në Gjakovë, Dom Roberti.
Në kuadër të kësaj shkolle ekzistojnë katër degë, bazuar në këto drejtime: ekonomi (administrim-biznesi, banka dhe financa, kontabilitet dhe financa), teknike (teknologji Informative), dizajn grafik, bujqësi (hortikulturë dhe agrobiznes),
Në këtë shkollë nxënësit vijojnë mësimin që nga klasa e 10-të deri në nivelin e lartë arsimimit.
