Ambasada e Kosovës në Gjermani ka lëshuar një njoftim të rëndësishëm për shtetasit e Kosovës që janë regjistruar për të votuar me postë për zgjedhjet parlamentare.
Sipas njoftimit, të gjithë ata që janë të regjistruar për votim jashtë Kosovës, duhet të dërgojnë fletëvotimet në kutitë postare të Komisionit Qendror të Zgjedhjeve në Kosovë ose jashtë saj, duke ndjekur disa hapa të thjeshtë.
Ambasada ka shpjeguar edhe procedurën e votimit dhe dërgimit të fletëvotimit me postë.
Postimi i plotë:
Njoftim me rëndësi mbi votimin jashtë Kosovës dhe se si duhet të votoni me nga Diaspora për Zgjedhjet Parlamentare në Kosovë
Të gjithë shtetasit e Kosovës të regjistruar për votim me postë duhet të dërgojnë fletëvotimet në kutitë postare të KQZ-së në Kosovë ose jashtë saj, duke ndjekur udhëzimet e mëposhtme:
𝐇𝐚𝐩𝐢 𝟏: 𝐏𝐥𝐨𝐭𝐞̈𝐬𝐨𝐧𝐢 𝐟𝐥𝐞𝐭𝐞̈𝐯𝐨𝐭𝐢𝐦𝐢𝐧 - e gjeni këtu - https://bit.ly/4h49Trm
1. Shkarkoni dhe printoni fletëvotimin.
2. Në anën e majtë të fletëvotimit janë të renditura subjektet politike. Zgjidhni vetëm një subjekt politik. Listën me emrat dhe numrat e kandidatëve e gjeni këtu - https://bit.ly/4jbEyEY
3. Në anën e djathtë, mund të votoni deri në dhjetë kandidatë.
4. Pasi të plotësoni fletëvotimin:
- Paloseni fletëvotimin, vendoseni brenda zarfit dhe mbylleni zarfin.
- Mos shkruani asgjë mbi zarf!
𝐇𝐚𝐩𝐢 𝟐: 𝐃𝐞̈𝐫𝐠𝐨𝐧𝐢 𝐟𝐥𝐞𝐭𝐞̈𝐯𝐨𝐭𝐢𝐦𝐢𝐧
1. Printoni dëftesën e regjistrimit që e keni pranuar përmes email-it gjatë periudhës së regjistrimit.
2. Brenda zarfit të dytë, vendosni:
- Zarfin e mbyllur me fletëvotimin e plotësuar.
- Dëftesën e regjistrimit.
3. Mbi zarfin e dytë:
- Shënoni adresën e kutisë postare të KQZ-së - adresat e kutive postare të KQZ-së i gjeni ketu - https://bit.ly/4gKZNvX
- Vendosni një pullë postare.
4. Dërgojeni zarfin në postën më të afërt të shtetit ku jetoni.
𝐊𝐮𝐣𝐝𝐞𝐬! 𝐐𝐞̈ 𝐟𝐥𝐞𝐭𝐞̈𝐯𝐨𝐭𝐢𝐦𝐢 𝐣𝐮𝐚𝐣 𝐭𝐞̈ 𝐣𝐞𝐭𝐞̈ 𝐢 𝐯𝐥𝐞𝐟𝐬𝐡𝐞̈𝐦:
- Dërgesa duhet të jetë individuale (nuk mund të përfshini fletëvotime për anëtarët e familjes apo persona të tjerë).
- Zarfi duhet të ketë pullën postare dhe të dërgohet nga shteti ku jeni regjistruar.
Për ndihmë apo më shumë informata kontaktoni linjën ndihmëse të KQZ-së në WhatsApp dhe Viber: +383 46 61 00 61.
