Asambleisti Fall dhe Senatoria e Shtetit Scarcella miratojnë Rezolutën e Përbashkët #62 për Përkujtimin e Shtatëmbëdhjet vjetorit të Pavarësisë së Kosovës më 17 shkurt 2025
ALBANY, NY, Senatorja e Shtetit Jessica Scarcella-Spanton (D-SI/Brooklyn) dhe Asambleisti Charles D. Fall (D-SI/Brooklyn) District 61 u bashkuan sot në miratimin e një rezolute të përbashkët në Senat dhe Asamble për të përkujtuar të 17- vjetorin e Shpalljes së Pavarësisë së Kosovës, më 17 shkurt 2025.
Pas ndërhyrjes ushtarake amerikane dhe të NATO-s në Kosovë, për t'i dhënë fund spastrimit etnik nën sundimin e Sllobodan Millosheviqit, Kosova sot po funksionon sipas një Kushtetute demokratike dhe ka vendosur marrëdhënie diplomatike me Shtetet e Bashkuara.
Shumë shtetas të Kosovës, dhe shqiptaro -amerikanë e kanë bërë shtëpinë e tyre në Nju Jorkun dhe rezoluta e miratuar sot njeh pavarësinë kulturore, politike dhe historike të Kosovës dhe rëndësinë e kontributeve të vazhdueshme në Nju Jork, nga anëtarët e këtij komuniteti,thanë sponsorizuesit e Rezolutës 62.
Assambleisti Charls Fall e quajti rezolutën të rëndësishme dhe kuptimplote. “Senati dhe Asambleja njohën rëndësinë e 17 shkurtit për Kosovën,dhe për të gjithë shqiptaro-amerikanët anembanë Nju Jorkut. Jam krenar që jam pjesë e kësaj përpjekjeje për të njohur pavarësinë e Kosovës në emër të pjesëtarëve të Kosovës dhe të komunitetit shqiptar në rrethin(distriktin) tim.”
Sot në Senatin e Shtetit të Nju Jorkut, duke përkujtuar 17-vjetorin e Pavarësisë së Kosovës, tha ambasadori Blerim Reka – Konsulli i Përgjithshëm i Kosovës në Nju Jork, i cili së bashku me anëtar të stafit të tij mori pjesë në këtë ceremoni.
Ambasadori Reka, duke folur në ceremoninë për nder të 17-vjetorit të Pavarësisë së Kosovës, tha se kryeqyteti i Nju Jorkut, Albani, ka mirëpritur gjithmonë bashkatdhetarët tanë në festën e ditëlindjes së 17-të të Republikës së Kosovës.
“Kosova, Shteti më i ri evropian ka lindur nga lufta çlirimtare kundër kolonializmit, aparteidit dhe gjenocidit të Serbisë ndaj popullit shqiptar”, tha ambasadori Reka, i cili vazhdoi duke thënë se: “Sot Republika e Kosovës është vendi më demokratik, e më proamerikan,dhe model kushtetues, për mbrojtjen e pakicave të saj”.
Faleminderit Senatore Scarcella dhe Asambleistit Fall! Faleminderit Amerikë! tha ambasadori Blerim Reka – Konsulli i Përgjithshëm i Kosovës në Nju Jork
