Një shqiptar që u ndalua në Londër, ku u gjet me kokainë dhe 80 mijë paund, është dënuar me burg.
Oficerët e Partneritetit të Krimit të Organizuar, një njësi e përbashkët e Agjencisë Kombëtare të Krimit dhe Shërbimit Policor Metropolitane, arrestuan 27-vjeçarin, Gleni Goleci në janar të këtij viti.
Ata kontrolluan automjetin “Hyundai” që ai drejtonte dhe gjetën 1.5 kilogram kokainë dhe afërsisht 20 mijë paund cash në bagazh. Oficerët e OCP kontrolluan gjithashtu banesën e tij në Brentford dhe gjetën gjashtë kilogramë kokainë dhe afërsisht 60 mijë paund.
Goleci, një emigrant ilegal shqiptar pa vendbanim të caktuar në Mbretërinë e Bashkuar, u arrestua dhe u akuzua për drogë dhe posedim të veprave penale të pronës. Ai gjithashtu rezulton të ketë luajtur si futbollist për të rinjtë e Shkëndisë së Tiranës, përpara se të emigronte në Angli.
Ai u deklarua fajtor në Gjykatën e Kurorës Isleëorth më 6 shkurt dhe u dënua menjëherë me shtatë vjet e gjysmë burgim.
Andrew Tickner, Menaxher i Operacioneve NCA nga OCP, tha: “Qëllimi ynë parësor është të mbrojmë londinezët nga shkelësit e dëmshëm të ligjit si Gleni Goleci.
Kriminaliteti i rëndë në të cilin ai ishte përfshirë nxit dhunën, frikën dhe shfrytëzimin në komunitet. NCA dhe Policia Metropolitane vazhdojnë të punojnë në partneritet për të penguar grupet e krimit të organizuar pas trafikut të drogës. Angazhimi ynë për të ndjekur kriminelët më të dëmshëm është i pamëshirshëm dhe ne do të vazhdojmë t’i nxjerrim ata para drejtësisë.”
