E denoncoi partnerja, policia arreston shqiptarin dhe e shtron në psikiatri, ai arratiset

Diaspora

E denoncoi partnerja, policia arreston shqiptarin dhe e shtron në psikiatri, ai arratiset

Më: 22 shkurt 2025 Në ora: 21:12
Ilustrim

Një ngjarje e rëndë ka shkaktuar trazira në zonën e Akratës në Greqi, pasi një 50-vjeçar shqiptar është arratisur nga spitali psikiatrik.

50-vjeçari mësohet se është arrestuar për dhunë në familje pasi ka kërcënuar bashkëshorten e tij 45-vjeçare. Siç raportojnë mediat greke, 45-vjeçarja ka telefonuar autoritetet për të denoncuar ngjarjen dhe ka deklaruar se ai është shprehur se do hidhej nga çatia.

Mësohet se policia ka arrestuar shqiptarin dhe e kanë dërguar në klinikën psikiatrike të Spitalit Universitar të Patrës. Megjithatë, 50-vjeçari ka arritur të arratiset nga klinika dhe është në kërkim.

Policia ka vepruar menjëherë, duke vendosur postblloqe në zonën ku ndodhet shtëpia e familjes, ndërsa gruaja dhe fëmijët e tij janë të sigurt në komisariat.

comment Për komente lëvizni më poshtë
Sot mund të lexoni Shfletoni kopertinat