Ministri i Bujqësisë Faton Peci anipse ditë e dielë, ka gjetur kohë t’i vizitojë disa nga fshatrat e Leposaviqit.
Ai aty ka takuar banorët e fshatrave, duke biseduar për të arriturat si dhe synimet e tyre, që lidhen me sferën që mbulon Peci.
Postimi i ministrit:
Gjatë ditës së sotme vizituam fshatrat e Leposaviqit / Albanikut; Cerajën, Koshtovë e Vllahisë e Bistrisë, ku bashkëbiseduam me banorët rreth nevojave e angazhimeve të tyre lidhur me sektorin e bujqësisë.
Në fshatin Cerajë, takova Ahmetin dhe vëllezërit e tij me të cilët diskutuam rreth nevojës së rritjes së Fondit Blegtoral me theks të veçantë, tek bagëtitë e imta.
Përmes Programit për Zhvillim Rural - Grante 2023, do të ndajmë 5 milionë euro për ngritjen e Fondit Blegtoral.
Ndërsa në Bistricë, me banorët e këtij fshati e gjithashtu edhe me vëllezërit e heroinës e dëshmores Fatime Hetemit, Dritonin e Bashkimin biseduam rreth potencialit zhvillimor që ka kjo zonë e ky fshat më konkretisht.
Shaqir Hetemi, është njëri nga banorët e Bistricës përfitues nga Programi për Zhvillim Rural - Grante 2022, në vlerë prej 90.970,00€. Edhe pse vizita sot nuk u realizua, rregullisht do të jemi në kontakt me Shaqirin dhe të gjithë përfituesit deri në finalizim të grantit me qëllim të të qënit dëshmitarë të ngritjes së kapaciteteve të fermave e agrobizneseve.
