Drejtori ekzekutiv i Sigma Vienna Insurance Gruoup në Kosovë, Genond Mesareja, tha se Sigma ka mbështetur zhvillimin ekonomik të Kosovës duke gërshetuar rrezikun e madh me një gamë të gjerë të produkteve të sigurimit.
Sipas tij, kjo ka qenë vendimtare për investime të rëndësishme publike dhe private të bëra nga kompanitë vendore dhe ndërkombëtare.
Ai tha se industria e sigurimeve po bëhet shumë e rëndësishme në Kosovë, derisa theksoi se vitin e kaluar Sigma në Kosovë mbuloi rrezikun agregat maksimal në vlerë 68 miliardë euro ose shtatë herë më shumë se bruto prodhimi vendor real i Kosovës.
Mesareja: Sigma VIG mbuloi rrezikun maksimal në Kosovë prej 68 miliardë eurove
"Gjatë vitit, Sigma Vienna Insurance Group ka mbështetur zhvillimin ekonomik të Kosovës duke gërshetuar rrezikun e madh me një gamë të gjerë të produkteve të sigurimit. Kjo ka qenë vendimtare për investime të rëndësishme publike dhe private të bëra nga kompanitë vendore dhe grupet shumëkombëshe si Aeroporti koncesionar dhe Kompania e Energjisë Elektrike në Kosovë. Edhe pse Kosova është një vend në zhvillim, industria e sigurimeve po bëhet gjithnjë e më e rëndësishme. Mund të vërtetohet lehtësisht me numra. Vitin e kaluar Sigma VIG (Vienna Insurance Group), mbuloi rrezikun agregat maksimal në Kosovë prej 68 miliardë eurove, që do të thotë sa shtatë herë GDP-ja reale e Kosovës. Sigma VIG (Vienna Insurance Group) në Kosovë është lider madhor... Ne jemi adresë e njohur referente për organizatat ndërkombëtare, ambasadat, bizneset vendore dhe individët në Kosovë. Nëpërmjet politikave strikte dhe marrëveshjeve të ri-sigurimit me një kompani sigurimesh të klasifikuar A-plus, si dhe anëtarë të tjerë ne kemi rritur kapacitetet tona mbuluese dhe kemi mbuluar me sukses rrezikun e madh në Kosovë. Çelësi për ndërtimin dhe mbajtjen e një biznesi të qëndrueshëm në Kosovë nuk është vetëm respektimi i legjislacionit, por edhe zbatimi me sukses i standardeve të larta të Vienna Insurance Group në vend. Kujdesi profesional, standardet e larta të nënshkrimit, pretendimet strikte kanë qenë politikat dhe rezervimi adekuat financiar për këto gjëra janë garancia më e mirë për të minimizuar rreziqet e kompanisë dhe për të respektuar plotësisht detyrimin tonë kontraktual ndaj klientëve tanë. Do të vazhdojmë në rrugën e rritjes së qëndrueshme në Kosovë, me parimin ESG dhe do të mbetet pikë referimi për shërbimet cilësore të sigurimit në Kosovë", tha ai.
Në anën tjetër, drejtori i Bordit Mbikëqyrës të Sigma Vienna Insurance Gruoup, Peter Höfinger, shprehu admirimin e tij për punën e Sigma-së në Kosovë.
Höfinger: Kemi një kompani fantastike në Kosovë
"Më duhet të them konkretisht për Kosovën që ka një admirim të plotë për punonjësit tanë, menaxhmentin tonë, duke pasur parasysh 20 vjetët e fundit në Kosovë që e pasojnë 12 vjetët e fundit më afër me gjithë këto luhatje, pasiguri, paparashikueshmëri të zhvillimit të caktuar, ne kemi një kompani fantastike këtu, po fokusohemi te klientët, jemi në një biznes besimi, po japim një premtim, një premtim të cilin thjesht e keni në letër. Njerëzit duhet të besojnë se ne do ta përmbushim detyrimin tonë dhe modeli i biznesit të sigurimeve në fund të fundit është punë e njerëzve dhe njerëzit janë të suksesshëm në biznesin tonë. Prandaj, një falënderim shumë i madh për punonjësit tanë, falënderim shumë i madh për menaxhmentin tonë këtu, i cili është në gjendje në një mjedis jo gjithmonë të lehtë për ta çuar kompaninë tonë drejt suksesit... Ne jemi në masë të madhe në portofolin tonë në biznesin e pronave, kemi biznese të shumta dhe bizneset pronësore janë të dizajnuara, klientët janë të lumtur të na besojnë për të marrë premtimin se ne po kujdesemi dhe nëse ndodh diçka ne do ta zgjidhim atë për investimet e tyre, për paratë e tyre ndoshta private. Kjo është pjesa më e madhe e portofolit tonë dhe kjo tregon cilësinë, personalitetin dhe karakterin e punonjësve tanë", theksoi ai.
Gjatë gjithë periudhës se operimit në tregun e Kosovës, SIGMA Vienna Insurance Group – Dega Kosovë ka pasur rezultate evidente pozitive sidomos në aspektin e situatës se qëndrueshme financiare, plotësimit te nevojave të klientëve për produktet e sigurimit, rritjes së garancive dhe të besueshmërisë me mbështetjen e një rrjeti efikas ri-sigurimi, bashkëpunimit të suksesshëm dhe korrekt me partnerët lokalë dhe ndërkombëtarë.
