Një gjykatë në Turqi u ka dhënë dënime të përjetshme për dhjetëra oficerë ushtarakë dhe të tjerëve, në një nga gjykimet më të mëdha të lidhura me përpjekjen për grusht shteti në vitin 2016.
Sipas BBC, Pilotët e forcave ajrore dhe komandantët e ushtrisë ishin midis gati 500 të pandehurve të akuzuar për përpjekjen për të përmbysur presidentin pushtetin e Rexhep Tajip Erdogan.
Ata dyshohet se drejtuan komplotin nga baza ajrore Akinci pranë Ankarasë.
Erdogan thotë se kleriku mysliman që tanimë është në SHBA, Fethullah Gulen, organizoi komplotin, i cili çoi në arrestime masive.
Por Gulen ka mohuar çdo përfshirje në përpjekjen për grusht shteti në korrik të vitit 2016, ku u vranë 251 njerëz dhe u plagosën më shumë se 2,000 të tjerë.
Erdogan ishte me pushime në atë kohë në një vendpushim.
Gjyqi filloi në gusht 2017 dhe akuzat përfshinin kërkimin për të vrarë Presidentin Erdogan dhe për të kapur institucionet kryesore të shtetit.
