Ambasadori serb në Malin e Zi, Vladimir Bozovic është shpallur person “non grata”.
Madje sipas mediave serbe atij i është kërkuar që të largohet nga Mali i Zi.
Ministria e Punëve të Jashtme malazeze njoftoi se në përputhje me nenet 9 dhe 41 të Konventës së Vjenës mbi privilegjet dhe imunitetet diplomatike, e kanë shpallur Bozovicin person “non grata” sot, duke konfirmuar se kanë kërkuar që ai largohet nga Mali i Zi.
“Pas një ndërhyrje të gjatë dhe të vazhdueshme në punët e brendshme të Malit të Zi, sjelljeve dhe deklaratave të papajtueshme me standardet e zakonshme dhe të pranueshme të zyrës diplomatike, pas disa paralajmërimeve verbale dhe të shkruara për papranueshmërinë e një sjelljeje të tillë”, thuhet ne reagimin e ministrisë duke shtuar se ai ka nënçmuar shtetin që i dha mikpritjen diplomatike.
