Vrasje dhe më pas vetëvrasje në zonën e Savonës në Itali. Një 56-vjeçar qëlloi për vdekje vajzën e partneres së tij dhe më pas i dha fund edhe jetës.
Jessica Novaro, 29 vjeç, kishte ndërhyrë gjatë një sherri midis nënës së saj dhe partnerit të saj dhe në sherr e sipër mbeti e vrarë. Ngjarja e rëndë ndodhi në Vellego, në Komunën e Casanova Lerrone.
Gjatë mosmarrëveshjes, Jessica Novaro dyshohet se ndërhyri në mbrojtje të nënës së saj dhe në këtë moment Testa e qëlloi duke përdorur një pistoletë të kalibrit 9, shkruajnë mediat italiane.
29-vjeçarja tentoi të shpëtonte duke u larguar nga shtëpia, por pak metra më tej u arrit nga vrasësi.
Burri vrapoi pas saj dhe kur e pa atë ende gjallë i drejtoi armën në kokë dhe hapi zjarr duke e lënë të vdekur në vend.
Testa, një i ve që nga viti 2011, humbi gruan e tij në një aksident bujqësor, u gjet i vdekur kur erdhën forcat e emergjencës.
