Dritan Abazoviq, zëvendëskryeministri i ri i Malit të Zi, ka thënë se “me marrëveshje, drejtori i deritashëm i Policisë nuk do të udhëheq me këtë resor”.
Këtë gjë e ka bërë të ditur vetë Abazoviq, përmes një postimi në Twitter.
“U ra dakord që Veselin Veljoviq të mos jetë më drejtori i Drejtorisë së Policisë”, ka shkruar Abazoviq në postimin e tij, të cilin e ka shoqëruar edhe me një fotografi.
Ndryshe, Qeveria e Malit të Zi, sot ka marrë detyrën edhe zyrtarisht.
Ndryshe, Qeveria e re Malit të Zi u zgjodh të premten me mbështetjen e 41 parlamentarëve malazezë.
Krivokapiq kryeson qeverinë e dymbëdhjetë ministrive, ndërsa kreu i koalicionit Bardh e Zi, Dritan Abazoviq, është zëvendëskryeministër.
Partia Demokratike e Socialistëve, e cila udhëhiqet nga presidenti Millo Gjukanoviq, i ka humbur zgjedhjet e 30 gushtit, për herë të parë në gati 30 vjet.
