Një shtetas rumun ndoqi dy hajdutët që i vodhën motorin nga shtëpia e tij ka përfunduar me 10 vjet burg pasi vrau njërin prej tyre.
Mihai Dinisoae, 32-vjeç, u dënua ditën e mërkurë për vrasjen e 28-vjeçarit Josh Molloy, i cili u hodh nga motori gjatë përndjekjes.
Z. Molloy dhe bashkëpunëtori i tij, një 29-vjeçar, kishin vjedhur motorin nga shtëpia e Dinisoae në Baldwin Avenue, Fenham, më 5 maj.
Në videon e publikuar nga polcia shihet qartë momenti i përplasjes së automjetit dhe motorit në të cilin ndodheshin Molloy dhe bashkëpunëtori i tij.
Pasi i rrëzoi të dy, Dinisoae u largua duke i lënë të plagosur në rrugë.
Menjëherë 28 vjeçari u dërgua në spital por nuk i mbijetoi plagëve të marra.
Dinisoae, i cili u arrestua disa orë pas përplasjes, i tha policisë se ai po i ndiqte por nuk ishte ai që e shkaktoi incidentin duke pretenduar se dy hajdutët kishin humbur kontrollin.
