Pas një udhëtimi që zgjati gati 10 orë, furgoni në frigorifer me 9,750 dozat e para të vaksinës anti-Covid të Pfizer-Biontech mbërriti në kazermën ushtarake Tor di Quinto në Romë i shoqëruar nga policia.
Automjeti do të drejtohet sot në spitalin Spallanzani në Romë ku do të kryhen vaksinimet e para që nesër.
Ministri Di Maio me anë të një postimi në facebook deklaroi se mbajtën premtimin për vaksinimin e bluzave të bardha brenda këtij viti.
“Ne kishim thënë që para fundit të vitit do të fillonim vaksinimet dhe kështu do të ndodhë. Vaksinat e para do të jenë për stafin tonë mjekësor që punon çdo ditë për të shpëtuar jetë, jeta e tyre është në rrezik “
Shpërndarja e vaksinës-Fillimi i fushatës së vaksinimit është caktuar zyrtarisht për nesër: dozat që do të administrohen në Romë do të qëndrojnë në Spallanzani, të gjitha të tjerat do të kalojnë përmes qendrës së aeroportit ushtarak të Pratica di Mare ku me 5 avionë, 60 automjete dhe rreth 250 ushtarë do të transferohen në rajone të tjera në mënyrë që të dielën në mëngjes vaksinimi të nisë në të gjithë vendin.
