Shtimi i rasteve të prekura me koronavirus në Britaninë e Madhe vazhdon të rritet me ritme të larta. Kjo ka bërë që shteti të shtrëngojë akoma më shumë masat anti covid.
Sipas njoftimit nga mediat e huaja, njerëzit mund të largohen nga shtëpitë e tyre vetëm një herë në javë, duke pasur një arsye të fortë.
Ndërsa rastet e koronavirusit vazhdojnë të rriten në pjesën më të madhe të vendit, qeveria po shikon forcimin e rregullave për të ulur infeksionet.
Ndërsa i gjithë vendi është bllokuar, britanikëve u është thënë që të qëndrojnë në shtëpi, të paktën deri nga mesi i shkurtit. Por, mendohet se këto masa mund të qëndrojnë në fuqi deri në fund të marsit.
Disa masa më të rrepta që po shikohen mund të nënkuptojnë ndalimin e daljes, mbylljen e çerdheve, bërjen e detyrueshme të maskave të fytyrës në të gjitha zonat e jashtme të ngarkuara dhe ushtrimet e kufizuara në një orë.
