Britania e Madhe ka regjistruar 1725 të vdekur si pasojë e COVID-19 në 24 orët e fundit. Është shifra e dytë më e lartë e vdekjeve e regjistruar nga Britania brenda një 24-orëshi.
Shifra më e lartë ishte regjistruar më 20 janar kur u regjistruan 1820 të vdekur.
Të martën Britania është bërë vendi i parë në Evropë që e ka kaluar shifrën e 100 mijë të vdekurve nga COVID-19. Shifra e të vdekurve në Britani ka arritur në 101.887.
Në 24 orët e fundit janë regjistruar edhe 25.308 të infektuar të rinj.
Britania është duke vazhduar procesin e vaksinimit. Janë vaksinuar mbi 7 milionë persona me vaksinën anti-COVID.
