Gjermania ka filluar nga tani t’i porosisë vaksinat kundër coronavirusit për vitin 2020, tha të shtunën ministri gjerman i Shëndetësisë, Jens Spahn.
“Ne do t’i porosisim vaksinat si një masë paraprake. Nëse nuk na duhen, mirë, por nëse na duhen, atëherë do të jenë në dispozicion”, u shpreh ai.
Sipas CNN, Spahn e pranoi se Gjermania mund të kishte bërë më shumë në shpërndarjen e vaksinave, por tha se vendi është në rrugën e duhur për të imunizuar popullatën.
Jens Spahn
“Rreth 2.3 milionë njerëz janë vaksinuar, prej të cilëve 450 mijë i kanë marrë dozat e dyta. Pothuajse 70 për qind e banorëve të shtëpive të kujdesit, 60 deri në 70 për qind janë vaksinuar”, shtoi.
Ndryshe, Gjermania deri më tani ka regjistruar 2.2 milionë raste nga coronavirusi si dhe 57 mijë viktima.
