Greqia regjistron 733 raste të reja me Covid-19 dhe 21 viktima gjatë 24 orëve të fundit.
Situata vijon të jetë kritike në Atikë, ku sipas raportimeve të mediave, u konfirmuan edhe 360 raste, ndërsa në Selanik u regjistruan 76 raste të reja.
Gjatë gjurmimit të kontakteve u zbulua se 6037 (3.7%) e të infektuarve janë persona që kanë udhëtuar jashtë dhe 52276 (61.0%) janë raste kontakti. 262 pacientë janë të intubuar ndërsa mosha e tyre është 70 vjeç dhe 189 (72.1%) e tyre janë burra.
Sipas Zougla, 85.9% e pacientëve të intubuar kanë një sëmundje bashkëshoqëruese ose janë të moshës 70 vjeç e lart.
Nga nisja e pandemisë, shteti fqinj jugor regjistron 163,946 infektime dhe 5,972 viktima.
Kujtojmë se pak ditë më parë, qeveria greke vendosi ndalim-qarkullimin nga 18:00 pasdite deri në 5:00 në në mëngjes gjatë fundjavës, ndërsa dyqanet do të qëndrojnë të mbyllura.
E gjithë Greqia është ndarë në disa zona dhe sipas këtyre zonave janë marrë edhe masat përkatëse.
Në zonat e konsideruara me rrezikshmëri të lartë virale do të mbyllen shkollat, çerdhet, dyqanet, etj.
