Moti i ligë dhe reshjet e mëdha të borës kanë shkaktuar një situatë kaotike nëpër rrugët e Gjermanisë, ku në autostradën A2 dhjetëra shoferë e kanë kaluar natën nëpër vetura.
Në A2 te Bilefeldi, pas një aksident trafiku, është krijuar një kolonë e gjatë mbi dhjetë kilometra që paralizoi trafikun për më shumë se 16 orë.
Autostrada ishte mbyllur në të dy drejtime, pasi që disa kamionë kishin rrëshqitur.
“Situata është e rëndë”, kanë porositur nga policia duke shtuar se akoma do të zgjasë derisa gjendja të përmirësohet.
E problemi u shkaktuar pasi që shumë shoferë të kamionëve nuk i janë përmbajtur rregullave të ndalim-qarkullimit, në këto ditë të ftohta dhe me reshje bore.
Policia ka shqiptuar mbi 300 tiketa për shoferët e kamionëve transportues që kanë shkelur urdhrin e ndalim-qarkullimit.
