Kryeministri britanik, Boris Johnson vazhdoi të siguronte publikun britanik për sigurinë e vaksinës Oxford-AstraZeneca, duke thënë se vetë do të marrë vaksinën të premten (nesër).
Rregullatori i ilaçeve në Mbretërinë e Bashkuar ka konfirmuar se “përfitimet e vaksinës në parandalimin e coronavirusit tejkalojnë çdo rrezik dhe njerëzit duhet të vazhdojnë të marrin vaksinën e tyre kur u kërkohet ta bëjnë këtë”, tha Johnson në Downing Street, raporton cnn.
“Është gjithashtu shumë e rëndësishme për miqtë tanë evropianë që sot Agjencia Evropiane e Mjekësisë arriti në një përfundim të qartë shkencor – dhe unë citoj -” kjo është një vaksinë e sigurt dhe efektive”, transmeton Telegrafi.
Më herët sot, Agjencia Evropiane e Barnave arriti në përfundimin se vaksina AstraZeneca “është e sigurt dhe efektive në parandalimin e COVID-19 dhe përfitimet vazhduan të ishin shumë më të mëdha se rreziqet e saj”.
Dr. Sabine Straus, kryetar i Komitetit të Vlerësimit të Rrezikut të Farmakovigjilencës së EMA (PRAC), tha se komiteti “nuk ka gjetur prova”.
“Komiteti gjithashtu arriti në përfundimin se vaksina nuk shoqërohet me një rritje të rrezikut të përgjithshëm të ngjarjeve tromboembolike, ose mpiksjes së gjakut”, tha Drejtori Ekzekutiv i EMA-s, Emer Cooke.
Megjithatë Cooke shtoi se agjencia “nuk mund të përjashtojë patjetër një lidhje” midis rasteve të mpiksjes së gjakut dhe vaksinës.
