Disa mijëra gra dolën në rrugë në Stamboll të Shtunën për të kërkuar që Turqia të kthejë vendimin e saj për t'u tërhequr nga një traktat ndërkombëtar kundër abuzimit në familje të cilin dikur e mbështeti, shkruan France24.
Presidenti Rexhep Tajip Erdogan i shtangi aleatët evropianë me njoftimin e javës së kaluar se Turqia po tërhiqej nga Konventa e Stambollit, e quajtur me emrin e qytetit Turk ku u hartua në 2011.
Turqia ishte një nga nënshkruesit e parë dhe gratë thonë se siguria e tyre është rrezikuar nga lëvizja e Erdogan kundër traktatit evropian.
Mes një pranie të rëndë policie, protestuesit u mblodhën në një shesh bregdetar në Stamboll duke tundur flamuj të purpurt dhe duke brohoritur parulla duke përfshirë "Vrasjet e grave janë politike". Në një pankartë shkruhej: "Mbroni gratë, jo autorët e dhunës".
