Presidenti Emmanuel Macron lajmëroi zgjatjen e masave.
Jo vetëm 19 zona, por nga 3 prilli e gjithë Franca do të jetë në karantinë për 4 javë.
“Ne nuk duhet të mbyllemi, por duhet të kufizojmë kontaktet tona. U përpoqëm ta shtyjmë këtë ditë për aq kohë sa të ishte e mundur, por fatkeqësisht tani erdhi koha. Ne do ta humbasim kontrollin nëse nuk veprojmë tani.”,- tha Macron.
Macron tha gjithashtu se do të mbyllen të gjitha shkollat, qendrat e kujdesit deri më 26 prill. Po ashtu do të ndalohet lëvizja nga rajoni në rajon, ndërsa mbyllja e orës 19:00 do të shtrihet në të gjithë Francën kontinentale. Franca ka regjistruar ditët e fundit një numër të lartë infektimesh dhe viktimash. Rastet pothuajse janë dyfishuar që nga shkurti dhe numri i të shtruarve në spital është rritur. Macron paralajmëroi se vendi mund të arrijë në 100,000 vdekje nga koronavirusi në ditët në vijim.
