Peter Handke ka bërë bujë të madhe vite më parë me mohimin e gjenocidit të shkaktuar nga ish-presidenti serb, Slobodan Milosheviq.
Shkrimtari austriak i laureuar me Çmimin Nobel për letërsi, sot është dekoruar edhe nga presidenti aktual serb, Aleksandar Vuçiq, i cili i ka dhënë medaljen më të lartë shtetërore “Urdhëri i Yllit të Karagjorgjit”.
Kjo ka bërë që të reagojnë shumë personalitete në shtetin serb duke përfshirë edhe Drejtoreshën e Fondit për të Drejtën Humanitare në Beograd, Natasha Kandiq.
Kjo e fundit përmes një mesazhi në rrjetin social të Twitterit ka pohuar se Vuçiqi ka filluar një luftë kundër botës së civilizuar, fqinjëve dhe njerëzve në Serbi që mbajnë turpin e gjenocidit të kryer nga Millosheviqi në vitet e 90-ta.
“Duke dekoruar me “Urdhrin e Yllit të Karagjorgjitit” Peter Handken, Presidenti i Serbisë, nisi luftën kundër botës së civilizuar, fqinjëve dhe secilit prej nesh që mbajmë turpin e gjenocidit të kryer dhe krimeve masive të forcave serbe në luftërat e viteve 1990. Nuk ka asnjë shprese”, ka pohuar Kandiq, e cila shumë herë ka dënuar veprimet e tilla të të parit të Serbisë.
Ndryshe, Handkes ditë më parë iu ngrit edhe një bust në qytetin boshnjak të Banja Llukës.
