Autoritetet italiane të shëndetësisë, kanë publikuar bilancin e 24 orëve të fundit, sa i takon COVID-19 atje.
Sipas njoftimit, gjatë 24 orëve, janë shënuar 4.717 persona të infektuar. Nga krahu tjetër, fatkeqësisht, nuk kanë mundur të fitojnë betejën me virusin 125 qytetarë.
Lajmi mirë është se janë shpallur të shëruar 12.633 qytetarë.
Aktualisht në të gjithë territorin përtej Adriatikut, rastet pozitive janë 283.744 persona, 8.044 më pak se një ditë më parë.
Pozitive është situata që shfaqet në spitalet italiane.
Mediat shkruajnë se numri i personave që janë në njësinë e kujdesit intensiv, atyre në intubim dhe shtrimeve në spitale ka rënë.
