Bashkimi Evropian ka konfirmuar se ka kryer 250 milionë vaksinime kundër COVID-19.
Kshtu ka bërë të ditur Presidentja e Komisionit Europian Ursula von der Leyen në një postim në Twitter, në të cilin ka shkruar se më shumë se 80 milionë qytetarë evropianë janë vaksinuar plotësisht.
“Sot kemi kaluar 250 milionë vaksina në BE. Dhe më shumë se 80 milionë evropianë tani janë plotësisht të vaksinuar. Ne jemi në rrugën e duhur për të arritur qëllimin tonë: të japim doza të mjaftueshme për të vaksinuar 70% të popullsisë së rritur të BE-së deri në korrik”, ka shkruar Von der Leyen.
Kujtojmë se javën e kaluar, Von der Leyen tha që në BE janë shpërndarë 300 milionë doza të vaksinave kundër COVID-19.
