Një burrë i cili ka goditur me shuplakë presidentin francez Emmanuel Macron, drejton një klub për tifozët e skermës mesjetare dhe nuk ka pasur më parë një rekord penal, thanë sot burime pranë hetimit.
Një burim policor identifikoi të dyshuarin si 28-vjeçarin Damien Tarel, raporton Reuters.
Ai është nën hetim për sulmin ndaj një zyrtari publik, tha një prokuror lokal.
Macron, i cili është në turne për të ndjerë "pulsin e vendit pas pandemisë", u qëllua shuplakë gjatë një shëtitjeje në jug të Francës ndërsa përshëndeste qytetarët.
Tarel më pas bërtiti "Poshtë Macron" dhe një burim pranë hetimit e përshkroi atë si dikë që është "pak i humbur, pak i pa rregulluar, pak i gjallë".
Tarel dhe një burrë tjetër janë ende në arrest policie, shtoi burimi. Akuza e sulmit ndaj një zyrtari publik parashikon një dënim maksimal me burg prej tri vjet dhe një gjobë prej 45.000 euro.
