Shënimet e ditarit tronditës nga Caroline Croach, e cila u vra nga bashkëshorti, janë zbuluar në dosjet e policisë.
Babis Anagnostopulos, e mbyti për vdekje partneren e tij dhe më pas organizoi një mashtrim të hollësishëm, duke e bërë të dukej si vrasje nga një grabitës.
Në përpjekje për t’i bërë gënjeshtrat e tij të dukeshin më të besueshme, ai mbyti edhe këlyshin Husky, që ishte pjesë e familjes.
Pas tetë orësh marrje në pyetje policore, Anagnostopoulos rrëfeu dhe tha se ai gënjeu sepse nuk donte që vajza e tyre 11-muajshe Lydia të rritet pa prindër.
Shënimet e ditarit të Crouch tregojnë anën problematike dhe toksike të çiftit, raporton amna.gr.
Ajo shkruante: “Unë u zura përsëri me të. Këtë herë ishte serioze.”
“Unë e godita, e mallkova dhe ai theu derën.”
“Gjithçka që dëshiroja ishte që ai të më pyeste se si jam kur u zgjova. U zgjova aq e dobët dhe e lodhur.
“Po mendoj të largohem. Po mendoj të shkoj te motra ime, nuk e di nëse mund të vazhdoj me Babin.”
"Unë e dua atë aq shumë sa nuk mund ta lë atë edhe pse kjo marrëdhënie po më dhemb".
Kur ishte shtatzënë me Lidia-n në vitin 2019, Caroline shkroi: «Natën e kaluar ne debatuam sepse kisha një shqetësim për shkak të hormoneve të mia.
"Unë i bërtita dhe i thashë se nuk dua fëmijën tonë ...
“Nuk jam mirë, jam shumë e mërzitur, e di që ai kurrë nuk do ta lëndonte foshnjën tonë.
"Dashuria ime për të është më e fortë se çdo gjë në botë".
Më 3 korrik 2020, kur vajza e saj Lydia ishte një muajshe, Caroline shkroi: "Sot e vogla ime është një muajshe - është gjithashtu dita kur i thashë Babit që dua të largohem ... Ndihem shumë keq".
Policia ishte në gjendje të zbulonte gënjeshtrat e bashkëshortit të saj, pasi të dhënat e mbledhura nga një gjurmues fitnesi në kyçin e dorës së Crouch, treguan se zemra e saj kishte ndaluar së rrahuri para se të ndodhte ndërhyrja e pretenduar nga ai.