Spanja ka nisur të ndiejë në xhepat e saj efektet e rritjes së rasteve me COVID-19 në vend. Pas vendimit të Francës për të paralajmëruar shtetasit e saj për të mos udhëtuar në shtetin fqinj, bizneset në zonat turistike frikësohen se do të humbasin sezonin veror.
“Po, ne jemi prekur 100% për këtë arsye, sepse në gusht puna jonë varet 100% tek turizmi ndërkombëtar” u shpreh Alejandro Valcarcel, drejtor i kurseve të sërfit.
“Kjo nënkupton mbyllje. Sepse nëse turizmi vazhdon të bjerë për një kohë të gjatë dhe nuk rimëkëmbet pak, atëherë e vërteta është që ne nuk mund të vazhdojmë me”, tha Nieves Blanco, pronari i një bari në Spanjë.
Edhe Gjermania po konsideron të shpallë Spanjën një zonë rreziku, duke detyruar turistët gjermanë të kryejnë testet e COVID-19 kur kthehen në shtëpi, për të shmangur karantinën.
Portugalia
Spanja nuk është i vetmi shtet i cili është prekur nga kthimii kufizimeve. Portugalia është gjithashtu përsëri në qendër të vëmendjes, për shkak të një rritjeje me rastet e variantit Delta. Nga e shtuna, një test negativ COVID-19 ose certifikatë vaksinimi do të kërkohet për të hyrë në hotele dhe vendet turistike.
Britania e Madhe
Ndërkohë, Britania e Madhe ka hapur derën për t’i dhënë frymëmarrje turizmit veror, duke lehtësuar banorët pasi nuk do të kalojnë karantinë gjatë kthimit të tyre nga pushimet. Nga 19 korrik, pushuesit plotësisht të vaksinuar mund të kthehen lirisht në Angli, sigurisht nëse kthehen nga vende të cilësuara pa rrezik nga COVID-19.
