Zjarret që kanë përfshirë Greqinë prej disa ditësh po vijojnë të jenë problematike.
Pamjet e realizuara nga gazetari i Top Channel në Athinë, Artur Bibe tregojnë një ndërtesë në Athinë që është përfshirë nga flakët dhe zjarrfikësit po punojnë për shuarjen e tyre.
Gjithë banesa është e pushtuar nga flakët, ndërsa zjarri ka marrë përmasa aq të mëdha sa tym ka mbuluar të gjithë zonën.
Ndërsa një helikopter është përpjekur që të vejë nën kontroll flakët nga ajri.
Deri më tani janë numëruar me dhjetëra biznese dhe banesa të djegura nga flakët, ndërsa ajri i Athinës është ndotur aq shumë sa mund të ketë fluks të njerëzve me probleme me frymëmarrjen në spitale.
