Presidenti i Rusisë Vladimir Putin dhe homologu i tij turk Recep Tayyip Erdogan kanë bërë një bisedë në telefon me fokus tek situata e tanishme në Afganistan me talibanët.
Së bashku ata theksuan rëndësinë për sigurimin e stabilitetit dhe paqes civile atje, shkruan Tass.
Të dy presidentët u dakorduan për prioritizim të zgjidhjeve për luftën kundër terrorizmit nga talibanët dhe trafikimi të drogës.
“Ata patën një diskutim të thelluar mbi situatën rreth Afganistanit dhe vunë në dukje rëndësinë e sigurimit të stabilitetit dhe paqes civile në atë vend, respektimin e rreptë të sundimit të ligjit dhe rendit”, shkruajnë mediat ruse.
Presidenti rus dhe ai turk u dakorduan që të forcojnë koordinimin mes dy palëve për çështjet afgane.
