Kryeministri britanik, Boris Johnson, këtë të premte u zotua se do të ‘zhvendosë qiellin dhe tokën’ për të ndihmuar njerëzit që kanë të drejtë për zhvendosje dhe janë bllokuar në Afganistan pas 31 gushtit që është afati i fundit i tërheqjes për misionin amerikan.
“Gjëja kryesore është talibanët, qeveria e re afgane, ashtu siç është e përbërë, duhet ta kuptojë – nëse duan të kenë angazhim me Perëndimin, nëse duan të kenë një marrëdhënie me ne, atëherë kalimi i sigurt për ata [njerëz] është absolutisht parësore”, tha Johnson.
Duke folur për mediat britanike, kryeministri tha se ndjen keqardhje që ata nuk ishin në gjendje t’i nxirrnin të gjithë gjatë asaj që ai e përshkroi si “faza e parë” e procesit të evakuimit, shkruan CNN.
“Ndërsa zbresim në orët e fundit të operacionit, do të ketë gjithashtu njerëz që nuk kanë kaluar, njerëz që mund të kualifikohen [për zhvendosje]”.
“Ajo që unë u them atyre është se ne do të zhvendosim qiellin dhe tokën për t’i ndihmuar ata, ne do të bëjmë gjithçka që mundemi”.
“Por unë nuk mendoj se ju në asnjë mënyrë nuk duhet të nënvlerësoni shkallën e arritjes së forcave të armatosura të Mbretërisë së Bashkuar, trimërinë e burrave dhe grave në terren të cilët kanë qenë në gjendje të zhvendosin një numër të madh njerëzish,” shtoi ai.
Johnson konfirmoi se dy shtetas britanikë dhe fëmija i një shtetasi britanik ishin midis viktimave në shpërthimin vdekjeprurës në Kabul që vrau më shumë se 170 njerëz, duke shtuar se humbja e tyre nënvizon përfundimin e procesit të evakuimit.
“Ajo që sulmi terrorist me siguri tregon është se qeveria e Afganistanit, do të jetë jashtëzakonisht e vështirë për këdo që e drejton atë dhe kjo ka qenë për një kohë shumë të gjatë” tha ai.
Mbretëria e Bashkuar ka evakuuar 13 mijë e 708 njerëz nga Afganistani që nga 13 gushti, tha Ministria e Mbrojtjes e Mbretërisë së Bashkuar të premten ndërsa misioni i evakuimit të vendit po përfundon në Kabul.
