Zbulohen dokumentet, një 22-vjeçar kërcënoi se do të vriste kryeministrin holandez Mark Rutte

Evropë

Zbulohen dokumentet, një 22-vjeçar kërcënoi se do të vriste kryeministrin holandez Mark Rutte

Më: 13 tetor 2021 Në ora: 21:17
Mark Rutte

Policia e Amsterdamit ka arrestuar një 22-vjeçar të dyshuar për planifikimin e një sulmi ndaj kryeministrit të Holandës, Mark Rutte.

Lajmi është publikuar në mediat e huaja pas zbulimit të disa dokumenteve të gjykatës. I dyshuari 22 -vjeçar – i identifikuar vetëm si Yavus O – u arrestua nga policia në korrik të këtij viti.

Ai thuhet se kishte përdorur një kanal në aplikacionin e mesazheve Telegram për të postuar nxitje për dhunë, sipas gazetës së përditshme De Volkskrant .

Zyrtarët e zbatimit të ligjit holandez mbyllën kanalin Telegram këtë javë. I dyshuari tani është akuzuar për nxitje të një krimi terrorist, mbledhjen e informacionit për një krim terrorist dhe kërcënimin e një krimi terrorist, sipas dokumenteve të shikuara nga Associated Press.

Prokurorët planifikojnë zgjatjen e paraburgimit të tij derisa hetimet të vazhdojnë.

comment Për komente lëvizni më poshtë
Sot mund të lexoni Shfletoni kopertinat