Në Rusia janë raportuar disa raste të infektimit me koronavirus, me një variant i cili besohet se është edhe më ngjitës sesa varianti Delta.
Është e mundshme që varianti AY.4.2 të përhapet gjerësisht, ka thënë Kamil Khafizov, hulumtues i lartë në institucionin shëndetësor rus, Rospotrebnadzor, bazuar në raportimet e agjencive lokale të lajmeve.
Varianti i ri mund të ndikojë në rritje të shkallës së infektimit, e madje edhe të zëvendësojë variantin Delta, ndonëse procesi mund të jetë i ngadalshëm, ka thënë Khafizov.
Rusia së fundmi po përballet me rritje të shkallës së infektimit dhe vdekjeve nga COVID-19, sëmundje që e shkakton koronavirusi.
