Dhjetëra mijëra protestues u mblodhën të hënën në Gjeorgji duke kërkuar lirimin e liderit të burgosur të opozitës dhe ish-presidentit Mikheil Saakashvili, i cili ka qenë në grevë urie prej disa javësh, ndërsa Ukraina kritikoi transferimin e tij në një spital burgu, raporton France24.
Saakashvili, i cili shërbeu si president midis 2004 dhe 2013, u arrestua më 1 tetor në kthimin e tij nga mërgimi në Ukrainë.
Ai ka refuzuar ushqimin për 39 ditë për të protestuar kundër burgimit të tij, për të cilin thotë se është i motivuar politikisht.
Burgimi i tij ka përkeqësuar një krizë politike që shpërtheu vitin e kaluar pasi opozita denoncoi mashtrimin në zgjedhjet parlamentare të fituara ngushtë nga partia qeverisëse Ëndrra Gjeorgjiane.
Arrestimi i reformatorit pro-perëndimor provokoi demonstratat më të mëdha antiqeveritare në një dekadë.
Duke brohoritur emrin e Saakashvilit, rreth 40,000 demonstrues vërshuan të hënën në mbrëmje në Sheshin qendror të Lirisë në kryeqytetin e Gjeorgjisë Tbilisi, panë reporterët e AFP.
