Policia kroate ka prangosur ish-ministren e Zhvillimit Rajonal dhe Fondeve të Bashkimit Europian me urdhër të prokurorisë që e akuzon për korrupsion me këto fonde.
Gabrijela Zalac u ndalua të mërkurën dhe në pranga përfundoi edhe ish-drejtori i Agjencisë së Financave dhe Kontraktimit, Tomislav Petric, si dhe dy sipërmarrës. Ndalimi i tyre u bë me urdhër të task forcës së prokurorisë që mbikëqyr shpenzimet e fondeve të Bashkimit Europian.
Arrestimi lidhet me çështjen e koduar “Software”, nën dyshimet se kanë fryrë kostot e në një tender publik për sistemet e informacionit. Çështja ka të bëjë me dizajnin e softuerit, të cilin Ministria për Zhvillim Rajonal dhe Fondet e BE-së ia dha kompanisë Ampelos kur Zalac ishte ministre nga viti 2016 deri në 2019.
Akuzat për fryrje të vlerës në këtë tender u ngritën që në 2019 në mediat kroate duke pretenduar se Zalaca pagoi rreth 1.7 milionë euro për softuerin që në të vërtetë kushtonte rreth 400,000 euro.
