Autoritetet franceze dërguan forcat speciale të policisë në ishullin Karaibe në Guadalupe pasi protestat kundër kufizimeve të Covid-19 shkaktuan kaos dhe përleshje.
Si pasojë e dhunës kanë mbetur të plagosur tre persona.
Videot e shpërnadara në rrjetet sociale tregojnë se disa makina dhe ndërtesa janë djegur.
Protestuesit kanë kundërshtuar pasaportën shëndetësore të COVID-19, e nevojshme për të hyrë në restorante dhe kafene, stadiume dhe për transportin publik. Po ashtu ata protestuan kundër vaksinimit të detyrueshëëm për punonjësit e kujdesit shëndetësor në Francë.
Policia ka bërë të mundur arrestimin e të paktën 38 personave ndërsa dhjetëra dyqane janë plaçkitur. Mediat franceze raportuan se protestuesit rebelë kishin hyrë në një depo armësh në qytetin bregdetar të Pointe-a-Pitre duke marrë armët që ndodheshin aty.
Ministri i Brendshëm francez Gerald Darmanin e quajti dhunën "të papranueshme" në një intervistë për gazetën “Le Parisien”. Lidhur me ngjarjet e fundit ka reaguar edhe Presidenti Emmanuel Macron i cili eshte shprehur se se nuk mund të luhet me shëndetin e njerëzve.
Ishulli me 400,000 banorë ka një nga normat më të ulëta të vaksinimit në Francë pasi janë vaksinuar vetëm 33% e popullsisë.
