Ministrat e Jashtëm evropianë vendosën sanksione ndaj grupit mercenar rus Wagner të hënën dhe shpallën atë që ata paralajmëruan se do të ishte një përgjigje ekonomike e paprecedentë ndaj çdo sulmi ushtarak ndaj Ukrainës, raporton France24.
Pas një takimi të ministrave të G7 në Liverpool në fundjavë, ku SHBA dhe aleatët kryesorë paralajmëruan Kremlinin për pasoja "masive" nëse pushton, 27 ministrat e BE u takuan të hënën në Bruksel.
Ata miratuan fillimisht një listë me tetë emra dhe tre kompani të lidhura me kompaninë private ushtarake ruse Wagner për t'u shtuar menjëherë në regjimet ekzistuese të sanksioneve.
Më pas, ata sinjalizuan gatishmërinë e tyre për të vendosur masa të reja të mëdha që synojnë ekonominë e Rusisë nëse një grumbullim trupash pranë kufirit ukrainas çon në veprime të drejtpërdrejta ushtarake.
"Më lejoni të them, edhe një herë, me vendosmëri se Bashkimi Evropian po qëndron i bashkuar në mbështetje të sovranitetit dhe integritetit territorial të Ukrainës," u tha gazetarëve pas bisedimeve shefi i politikës së jashtme të BE-së, Josep Borrell.
