Prodhimi industrial i Eurozonës u rikuperua papritur në tetor, sipas të dhënave të publikuara nga Eurostat.
Prodhimi industrial u rrit me 1.1 përqind në bazë mujore, duke rikthyer një rënie prej 0.2 përqind në shtator, raporton atsh.
Ekonomistët kishin parashikuar që prodhimi të binte 0.5 përqind në tetor.
Ndër grupimet kryesore industriale, prodhimi i mallrave kapitale shënoi rritjen më të madhe mujore prej tre përqind në muajin tetor.
Prodhimi i mallrave të konsumit të qëndrueshëm u rrit me 1.7 përqind dhe prodhimi i mallrave të konsumit jo të qëndrueshëm u rrit me 0.4 përqind.
Prodhimi i energjisë u rrit vetëm 0.1 përqind në muaj.
Ndërkohë, prodhimi i mallrave të ndërmjetëm shënoi një rënie prej 0.6 përqind.
Në bazë vjetore, prodhimi industrial u rrit me 3.3 përqind, por më ngadalë se parashikimi i ekonomistëve për rritje prej 4.1 përqind.
Prodhimi industrial në BE u rrit me 1.2 përqind në muaj, duke e çuar rritjen vjetore në 3.6 përqind në tetor.
