Ministrja gjermane e Mbrojtjes Christine Lambrecht vlerësoi se Rusia është agresori në situatën me Ukrainën dhe se duhet bërë gjithçka për të ndaluar përshkallëzimin, duke deklaruar se këtu përfshihet edhe kërcënimi me sanksione të rënda.
Lambrecht i tha Bild-it gjerman se ajo ishte e shqetësuar për situatën në Ukrainë, por nuk iu përgjigj drejtpërdrejt pyetjes nëse ishte gati të dërgonte ushtarë të Bundeswehr-it në Ukrainë.
“Unë po shikoj atë që po ndodh atje me shumë shqetësim.
Unë gjithashtu mund ta kuptoj shumë mirë frikën e ukrainasve. Kjo është arsyeja pse misioni im i parë të dielën shkoi në Lituani në Forcat e Reagimit të Shpejtë të NATO-s, për të krijuar një përshtypje se si ushtarët e perceptojnë situatën në rajon. Është e qartë: agresori është Rusia. Ne duhet të bëjmë gjithçka që është e mundur për të ndaluar një përshkallëzim. Kjo përfshin gjithashtu kërcënimin e sanksioneve të ashpra," tha ajo.
