Rregullatori mjekësor francez Haute Autorite de Sante (HAS) miratoi sot përdorimin e vaksinës Pfizer/BioNTech kundër koronavirusit për fëmijët e moshës 5 deri në 11-vjeç.
“HAS sugjeron që të gjithë prindërit që dëshirojnë të mund të vaksinojnë fëmijët e tyre nga 5 deri në 11-vjeç”, tha Liz Alter, e cila është përgjegjëse për vlerësimin e rrezikut të barnave të reja, raporton Reuters.
Ajo shtoi se vaksina që do t'u bëhet fëmijëve ka treguar efikasitet të lartë në atë moshë.
Javën e kaluar, Franca filloi vaksinimin e fëmijëve me probleme shëndetësore që kërkojnë mbrojtje të veçantë.
Presidenti Emmanuel Macron tha më herët se ishte në favor të vaksinimit të fëmijëve, por shtoi se vendimi përfundimtar duhet të merret nga prindërit.
