Kriza politike në Mal të Zi ka përfshirë vendin, ku janë organizuar edhe protesta në rrugët kryesore vendit.
Vetë ai është përplasur mbrëmjen e sotme me protestuesit të cilët e kanë quajtur atë tradhtar. Por nga ana e tij Abazoviç i është përgjigjur që tradhtarin duhet ta gjejnë diku tjetër
Ndërkohë zëvendëskryeministri dhe lideri i GP URA, Dritan Abazoviç ka deklaruar se ofron tri zgjidhje për krizën në Podgoricë.
Abazoviç është shprehur se një nga zgjidhjet është qeveria e pakicës , qeveri teknike dhe në rast të kundër alternativa tjetër është të shkohet në zgjedhje.
‘Një zgjidhje është të kemi qeveri pakicës, një tjetër është qeveri teknike dhe zgjidhja e tretë është të shkojmë në zgjedhje’, ka thënë ai.
Gjithashtu u shpreh se nuk ka vullnet popullor pa koalicionin Bardh a zi, ndërsa shtoi se nuk ka tradhtuar asnjë njeri në jetën e tij dhe se kurrë nuk do ta bëjë një gjë të tillë.
